Nyu-Yorkda məscid imamı qətlə yetirilib
İQNA - Nyu-Yorkun Kuins dairəsində yerləşən
məscidlərdən birinin imamı odlu silahla qətlə yetirilib, daha bir nəfər
isə ağır vəziyyətdə xəstəxanaya yerləşdirilib.
Nyu-York polisinin sözçüsü deyib: Təqribən 50 yaşlarında olan bu iki nəfər Kuinz məhəlləsində yerləşən məsciddə qılınan namaz mərasimindən evə qayıdarkən, elə həmin məhəllədə yerləşən Uzun Park adlı məntəqədə atəşə məruz qalıblar.
Polis rəsmisinin verdiyi açıqlamaya görə, məscidin imam camaatı hadisə nəticəsində həyatını itirib. Yanında olan şəxs isə ağır şəkildə yaralanıb
Polisin məlumatına görə, qarətçi şəxs tapança ilə qurbanlarının başından atəş açıb.
Amerika müsəlmanları Nyu-Yorkun "Quinz" məhəlləsində bir araya gələrək, bu şəhər məscidinin imam camaatının qətlə yetirilməsini pisləyiblər. Aksiya iştirakçıları cinayətkarların cəzalandırılmasını tələb ediblər.
Aksiya iştirakçıları şüarlar verərək, ABŞ rəsmilərini müsəlmanları dəstəkləməyə səsləyiblər.
Nyu-York polisi baş vermiş cinayətlə bağlı bir şübhəlinin saxlanılmasından xəbər verib və bu barədə istintaqın davam etdiyini elan edib.
Şəbistan
