Quran dinlə - Mustafa İsmailin nadir tilavətlərindən - Video
Beynəlxalq Quran
Xəbər Agentliyi (İQNA)-nın verdiyi xəbərə
görə, İordaniya televiziyası bir müddət öncə Şeyx Məhəmməd Siddiq
əl-Minşavinin nadir tilavətlərindən birini yayımlayıb.
"Əş-Şuəra (69-93 ayələr)" sürəsinin nadir tilavətini təqədim edirik.
وَاتْلُ عَلَيْهِمْ نَبَأَ إِبْرَاهِيمَ ﴿۶۹﴾
69. Və onlara (müşriklərə) İbrahimin xəbərini və hekayətini söylə.
إِذْ قَالَ لِأَبِيهِ وَقَوْمِهِ مَا تَعْبُدُونَ ﴿۷۰﴾
70. O zaman o, atasına və öz tayfasına demişdi: «Siz nəyə ibadət edirsiniz?»
قَالُوا نَعْبُدُ أَصْنَامًا فَنَظَلُّ لَهَا عَاكِفِينَ ﴿۷۱﴾
71. (Onlar) Dedilər: «Biz bütlərə ibadət edirik və daima onlarla birgəyik,
onların dərgahlarına başımızı qoyuruq».
قَالَ هَلْ يَسْمَعُونَكُمْ إِذْ تَدْعُونَ ﴿۷۲﴾
72. (İbrahim) dedi: «(Onları) Çağırdığınız zaman səsinizi eşidirlərmi (və
istəyinizi yerinə yetirirlərmi)?»
أَوْ يَنْفَعُونَكُمْ أَوْ يَضُرُّونَ ﴿۷۳﴾
73. «Yaxud sizə bir xeyir və ya zərər verirlərmi?»
قَالُوا بَلْ وَجَدْنَا آبَاءَنَا كَذَلِكَ يَفْعَلُونَ ﴿۷۴﴾
74. Dedilər: «(Yox), ancaq atalarımızın belə etdiklərini görmüşük».
قَالَ أَفَرَأَيْتُمْ مَا كُنْتُمْ تَعْبُدُونَ ﴿۷۵﴾
75. (İbrahim) dedi: «Nəyə ibadət etdiyinizi görürsünüzmü?
أَنْتُمْ وَآبَاؤُكُمُ الْأَقْدَمُونَ ﴿۷۶﴾
76. Sizlər və ulu babalarınız?»
فَإِنَّهُمْ عَدُوٌّ لِي إِلَّا رَبَّ الْعَالَمِينَ ﴿۷۷﴾
77. «Şübhəsiz, aləmlərin Rəbbindən başqa onların hamısı mənim düşmənimdirlər
(çünki onlar, özlərinə ibadət edənləri cəhənnəmlik edənlərdir, aləmlərin Rəbbi
isə belə deyildir)».
الَّذِي خَلَقَنِي فَهُوَ يَهْدِينِ ﴿۷۸﴾
78. «Məni yaradan və daim (məişət və axirət işlərimdə) mənə doğru yol göstərən
Odur».
وَالَّذِي هُوَ يُطْعِمُنِي وَيَسْقِينِ ﴿۷۹﴾
79. «Məni yedirdən də içirdən də Odur».
وَإِذَا مَرِضْتُ فَهُوَ يَشْفِينِ ﴿۸۰﴾
80. «Xəstələndikdə mənə şəfa verən də Odur».
وَالَّذِي يُمِيتُنِي ثُمَّ يُحْيِينِ ﴿۸۱﴾
81. «Məni öldürəcək, sonra dirildəcək Odur».
وَالَّذِي أَطْمَعُ أَنْ يَغْفِرَ لِي خَطِيئَتِي يَوْمَ الدِّينِ ﴿۸۲﴾
82. «Cəza günü günahımı bağışlamasına ümid etdyim də Odur».
رَبِّ هَبْ لِي حُكْمًا وَأَلْحِقْنِي بِالصَّالِحِينَ ﴿۸۳﴾
83. «Ey Rəbbim, mənə əqli, dini elmlər bəxş et və məni salehlərə qovuşdur».
وَاجْعَلْ لِي لِسَانَ صِدْقٍ فِي الْآخِرِينَ ﴿۸۴﴾
84. «Mənə gələcək nəsillər arasında gözəl bir ad, xatirə, doğru danışan bir dil
və (mənə) haqqa doğru bir dəvət edən ver».
وَاجْعَلْنِي مِنْ وَرَثَةِ جَنَّةِ النَّعِيمِ ﴿۸۵﴾
85. «Məni nemətlərlə dolu olan Cənnətin varislərindən et».
وَاغْفِرْ لِأَبِي إِنَّهُ كَانَ مِنَ الضَّالِّينَ ﴿۸۶﴾
86. «Atamı bağışla! O, azanlardan oldu. (Azər İbrahimin qayınatası və ya əmisi
idi, atası Tarox isə Allahın təkliyinə inananlardan idi.)
وَلَا تُخْزِنِي يَوْمَ يُبْعَثُونَ ﴿۸۷﴾
87. «Məni (insanların) dirildiləcəyi gün xar etmə»
يَوْمَ لَا يَنْفَعُ مَالٌ وَلَا بَنُونَ ﴿۸۸﴾
88. «O gün ki, malın və oğulların bir faydası olmayacaq».
إِلَّا مَنْ أَتَى اللَّهَ بِقَلْبٍ سَلِيمٍ ﴿۸۹﴾
89. «Yalnız (fəsadlı əqidələrdən və əxlaqdan) salamat (sağlam) bir qəlblə Allahın hüzuruna gələn kimsədən başqa!».
وَأُزْلِفَتِ الْجَنَّةُ لِلْمُتَّقِينَ ﴿۹۰﴾
90. (O gün) Cənnət təqvalılara yaxınlaşdırılar.
وَبُرِّزَتِ الْجَحِيمُ لِلْغَاوِينَ ﴿۹۱﴾
91. Cəhənnəm də azğınlara aşkar olar.
وَقِيلَ لَهُمْ أَيْنَ مَا كُنْتُمْ تَعْبُدُونَ ﴿۹۲﴾
92. Və onlara deyilər: «İbadət etdikləriniz haradadır,
مِنْ دُونِ اللَّهِ هَلْ يَنْصُرُونَكُمْ أَوْ يَنْتَصِرُونَ ﴿۹۳﴾
93. Allahın əvəzinə (ibadət etdikləriniz)?! Sizə kömək edirlərmi, yaxud əzabı
özlərindən dəf edə bilirlərmi?!»
