Palmiradan oğurlanan tarixi əsərlər İsveçrədə ələ keçirilib

İsveçrənin Cenevrə şəhərində yerləşən azad ticarət zonasında Suriyanın antik şəhəri Palmiraya aid tarixi əsərlər ələ keçirilib.

Beynəlxalq Quran Xəbər Agentliyi (İQNA) The Guardian-a istinadla xəbər verir ki, İsveçrənin Cenevrə şəhərində yerləşən azad ticarət zonasında ələ keçirilən tarixi əsərlərdən üçünün Suriyanın antik Palmira şəhərindən oğurlandığı bildirilib. Bu əsərlərdən beşinin də Yəməndən gəldiyi açıqlanıb.

Verilən məlumatlara görə, İŞİD-in Palmiranı işğal etdiyi zaman çox sayıda tarixi əsər ölkə xaricinə çıxarılıb.

Suriyanın Hims mühafazası ərazisində yerləşən antik Palmira şəhəri 2015-ci ildə İŞİD tərəfindən işğal edilmişdi.