Mosulun qərbindəki bəzi bölgələr xilas edildi

İraq hərbi qüvvələri Mosulun qərb bölgəsində yerləşən bazarı və avtovağzalı terrorçulardan xilas edib.

Beynəlxalq Quran Xəbər Agentliyi (İQNA)-nın Eastnews.org-a istinadla verdiyi xəbərə görə, İraq hərbi qüvvələri Mosulun qərb bölgəsində yerləşən bazarıvə avtovağzalıterrorçulardan xilas edib.

Qərbi Mosulun Babut Tur bölgəsində yerləşən bazar və avtovağzaldakı terrorçular məhv edilib.

Bu barədə İraq Təhlükəsizlik Qüvvələrinin komandanı, general-leytenant Raid Şakir açıqlama verib.

O, bildirib ki, nəzarətində olan hərbi qüvvələr qədim Mosul deyə tanınan bölgəyə artıq daxil olub.