İnsanlar 3 min ədəd gülü çaya atmaqla Bosniya və Herseqovinada şəhidlərin xatirəsini andı

Bosniya və Herseqovinanın Veşeqrad şəhərində serblərin təcavüzü nəticəsində şəhid olmuş 3 min nəfərin xatirəsi anılıb.

Beynəlxalq Quran Xəbər Agentliyi(İQNA) Maide.Az-a istinadla xəbər verir ki, ötən gün Veşeqrad şəhər əhalisi şəhərin Məhəmməd Paşa Suquloviç körpüsünün üzərinə gələrək şəhidlərin xatirəsini əziz tutmaq məqsədi ilə 3 min gül şaxəsini şəhərin mərkəzindən axan çaya atıb.

Serblərin Bosniya və Herseqovinaya təcavüzü baş vermiş ən böyük və ən qanlı qətliamlar törədilib. Müharibə zamanı Veşeqrad şəhərinin əhalisi sürgün olunub, 1760 nəfərdən çox insan öldürlüb. Serb qüvvələri 1992-ci ilin yazından Bosniya və Herseqovinada kütləvi qırğınlar törətdi.

Veşeqrad şəhərində törədilmiş soyqrımda öldürülən şəxslərdən ən balacasının 6-7 yaşlı və ən qocasının 78 yaşı olub.