Bu şəhərin əhalisi Ramazan ayında hər gün iki dəfə iftar edir
Türkiyənin İran, Naxçıvan və Ermənistanla sərhəddə yerləşən Iğdır şəhərində insanların məzhəb fərqinə görə iftar üçün iki dəfə azan oxunur.
İQNA-nın (Beynəlxalq Quran Xəbər Agentliyi) Türkiyə mediasına istinadla verdiyi xəbərə əsasən, Türkiyənin İran, Naxçıvan və Ermənistanla sərhəddə yerləşən Iğdır şəhərində insanlar Ramazan ayında gün ərzində iki dəfə iftar edir.
Şəhərdə ilk azan sünnilər tərəfindən, bundan 8 dəqiqə sonra ikinci azan isə Şiələr tərəfindən oxunur.
Məlumata görə, illərdir davam edən bu vəziyyət yerlilər tərəfindən təbii qarşılanır və sakinlər azanın hansı məsciddə oxunduğuna baxaraq oruclarını açırlar.
