İŞİD-in Mosulda ələ keçirilmiş avtomobillərinin sərgisi təşkil edilib
İQNA-nın (Beynəlxalq Quran Xəbər Agentliyi) İslaminSesi-nə istinadla verdiyi məlumata görə, İraq polisi işğaldan terrorçulardan təmizlənmiş Mosul şəhərində döyüşlərin gedişində İŞİD terror təşkilatından ələ keçirilmiş 23 avtomobili nümayiş etdirib.
"Çevik həmlə diviziyasının və federal polisin qəhrəmanları avtomobilləri uğurlu gecə reydləri zamanı ələ keçiriblər", - deyə İraqın federal polis kapitanı Bassam Hillu Kəhdim bildirib.
Yaraqlılar avtomobillərin bəzilərini terror aktı törətmək üçün partlayıcılarla yükləməyi planlaşdırırdılar, lakin təhlükəsizlik qüvvələri onları niyyətin həyata keçirilməsinədək ələ keçirib. Maşınların bəziləri zirehlə örtülmüş və döyüş maşınlarına çevrilmişdi. Yuxarı hissəsinə tankın qülləsi quraşdırılmış avtomobillərdən biri hərbi təyyarələrin və quru qoşunlarının böyük məsafələrdə vurulması üçün istifadə edilə bilərdi.
