Yəhudi xaxamın müsəlmanlar əleyhinə çıxışı
İQNA-nın (Beynəlxalq Quran Xəbər Agentliyi) verdiyi məlumatına görə, İspaniyanın Barselona şəhərinin baş xaxamı Meir Bar-Hen, ötən günlərdə baş verən ve 14 nəfərin ölümü, 100 nəfərin isə yaralanmasına səbəb olan terror hücumu ilə əlaqədar çıxış edib.
Baş xaxam Meir Bar-Hen söyləyib ki, Barselonadakı Yəhudilər ölümə məhkumdur. Çünki İspaniyalı rəsmilər radikal İslama qarşı mübarizə aparmaq istəmir.
Yəhudilərdən İspaniyanı tərk etmələrini istəyən xaxam, Avropada baş verən terror aktlarına da işarə edərək, deyib: Uzun bir müddət üçün burada qalacağımıza inanmıram. Yəhudilərdən istəyirəm ki, İsraildə əmlak alsınlar. Əlcəzair ve Venesueladakı Yəhudilərin səhvlərini təkrar etməyin. Buradan nə qədər tez çıxsaq, bir o qədər də yaxşıdır.
Meir Bar-Hen çıxışının son hissəsində Avropada müsəlmanların çoxalmasına diqqət çəkərək, deyib: Bu kimi terror hücumlarını ümumiyyətlə radikal müsəlmanlar həyata keçirir. Bu camaatdan xilas olmaq çətindir. Xüsusilə Avropada daha da güclənəcəklər. Ele indi də "Avropa” deyə bir şey qalmayıb.
