Nigeriya şəhərlərində “Şeyx Zəkzəkiyə azadlıq!” şüarı ilə nümayişlər keçirildi
IQNA (Beynəlxalq Quran Xəbər Agentliyi) deyerler.org-a istinadla xəbər verir ki, Nigeriya İslam
Hərəkatının tələbilə ölkənin bir çox məntəqəsində təşkil edilən kütləvi etiraz
yürüşlərində Nigeriya hökumətinin məhkəmənin tələblərinə əməl etməsi və İMN-nin
baş katibi Şeyx İbrahim Zəkzəkinin qeyd-şərtsiz azad edilməsi tələb olunub.
Mitinqlər ölkənin Zaria, Katsina, Jalinqo, Potiskum, Bauci, Kano, Azare, Sokoto, Talatan Mafara, Daura, Cibia və s. şəhərlərdə keçirilib.
Müxtəlif plakatlar daşıyan nümayişçilər Nigeriya ordusunun 2015-ci ildə ölkədəki Əhli-Beyt (ə) ardıcıllarına təşkil etdiyi hücumu heç vaxt unutmayacaqlarını bildiriblər.
Nümayişçilər Arakan müsəlmanları ilə də həmrəy olduqlarını bəyan edərək, dünya ictimaiyyətində Myanma rejiminin rohinca müsəlmanlarına qarşı cinayətlərini dayandırması üçün təzyiq etməsini istəyiblər.
