İlahiyyat akademiyasının elektron kitabxanası təsis ediləcək
İQNA-nın (Beynəlxalq Quran Xəbər Agentliyi) İran İslam Respublikasının Belarusiyadakı Mədəniyyət Mərkəzinə istinadla verdiyi xəbərə görə, Belarusiyanın İlahiyyat elmləri akademiyasının rəsmi vesbsaytının nəzdində akademiyanın elektron kitabxanası təsis ediləcək.
Belarusiyanın İlahiyyat elmləri akademiyasının rəsmi internet portalı cari ilin Sentyabr ayının 15-də, Belarusiyanın "kitabxanalar günü" mərasimində təsis edilmişdir. Akademiya yaxın gələcəkdə internet portalının nəzdində elektron kitabxana da təsis edəcəkdir.
İlahiyyat elmləri akademiyasının rəsmi internet portalı (libr.minda.by) kitabxana xəbərləri, kitabxanaların və kitabların araşdırılması və yeni nəşrlər barədə məlumat paylaşır. Saytın "kitabçıdan soruş" və "mövcud kitablar barədə məlumat" menyuları vardır. Həmçinin gələcəkdə akademiya tərəfindən nəşr edilən bütün kitabların elektron versiyası saytda yerləşdiriləcəkdir.
