İQNA-nın (Beynəlxalq Quran Xəbər Agentliyi) verdiyi xəbərə görə, "Əsrin müqaviləsi" və Bəhreyn forumu əleyhinə keçirilən etiraz aksiya iştirakçıları Bağdadda Bəhreyn səfirliyinə hücum edib.
Hücumun ardından Bəhreynin Xarici İşlər Nazirliyi ölkənin İraqdakı səfirliyinə hücum aktını pisləyib və elan edib ki, hücumdan sonra səfir Salah əl-Malikinin məsləhətləşmə aparılması üçün geri çağırılması qərara alınıb.
Qeyd edək ki, ötən gün axşam təşkil olunan etiraz akiyasında etirazçılar Bəhreyn səfirliyinin yerləşdiyi əraziyə daxil olub və Manamada keçirilən "Əsrin müqaviləsi"nə dair konfransı pisləyiblər. Etirazçılar səfirliyin binasının içərisinə girməyib, yalnız həyətində toplaşıb.
Səfirliyin binasına daxil olan narazı kütlə Bəhreyn bayrağını endirərək Fələstin bayrağını asıblar. Bundan əlavə İsrail və ABŞ bayraqları da yandırılıb.
Aksiyaya qatılanlar fələstinlilərdən pərakəndəlik halına son verib Fələstin xalqının haqlarını müdafiə etmək üçün birlik və bütövlüyü təmin etmələrini istəyiblər.
Təhlükəsizlik qüvvələri etirazçıları dağıtmaq üçün havaya atəş açıb. Bildirilir ki, etirazçılardan əlli dörd nəfər saxlanılıb. Beş polis nəfəri və bir neçə etirazçı yaranmış qarşıdurmada yaralanıb.