IQNA

Ərbəin zəvvarlarının nəzərinə
18:37 - August 23, 2019
Xəbər sayı: 3485727
ƏRBƏİN yürüşündə iştirak etmək üçün İran – İraq sərhədini keçərək getmək istəyən iranlı və əcnəbi vətəndaşlar  Xosrəvi, Mehran,  Çəzabə və Şələmçə sərhəd-keçid məntəqələrindən istifadə edə bilərlər. 
İQNA-nın (Beynəlxalq Quran Xəbər Agentliyi) verdiyi xəbərə görə, dünyanın ən böyük toplantısı - ƏRBƏİN yürüşündə iştirak etmək üçün İran – İraq sərhədini keçərək getmək istəyən iranlı və əcnəbi vətəndaşlar  Xosrəvi, Mehran,  Çəzabə və Şələmçə sərhəd-keçid məntəqələrindən istifadə edə bilərlər. 
Maide.Az xəbər verir ki, bunu İranın yol və şəhərsalma  nazirinin müavini Əbdülhaşim  Həsənniya  deyib. 
Ə.Həsənniya bildirib ki, cari ildə  sərhəd-keçid məntəqələrində zəvvarların gediş-gəlişi üçün bütün infrastruktur hazırlanıb.  “İran-İraq sərhəddindən ən çox gediş-gəliş adı qeyd olunun 4 sərhəd vasitəsilə baş tutur. Çalışmışıq ki, bütün sərhəd-keçid məntəqələrinin  ötən ilki problemlərini bu il aradan qaldıraq və  zəvvarların gediş-gəlişi rahatlaşsın.” 
Pakistan, Əfqanıstan və Azərbaycandan olan zəvvarlar da İran ərazisindən istifadə edərək  İraq ərazisinə gedir deyən Ə. Həsənniya bildirib ki,  həmin ölkələrin zəvvarlarının da sərhədələrdən rahat gediş-gəlişi üçün  və onların qarşılanıb yola salınması üçün lazimi tədbirlər görülüb. 
Avtobus sürücülərinin  yanacaq,  motor yağı və digər ehtiyat hissələrinin təmini ilə bağlı da  yollarda şəraitin yaradılmdığını bildirən Ə.Həsənniya qeyd edib ki, cari ildə İrandan İraqa Ərbəin ziyarəti üçün 2 milyon 300 min nəfərin gedəcəyi proqnozlaşdırılır. 
İranın İraqla sərhəddə 4 sərhəd-keçid məntəqəsi fəaliyyət göstərir. Bunlar İlam əyalətində Mehran, Xuzestan əyalətində Şələmçə və Çəzabə və Kirmanşah əyalətində Xosrəvi sərhəd – keçid mətəqələridir.  
Hər il İmam Hüseyn (ə) və Kərbəla şəhidlərinin 40 mərasimi - Ərbəin münasibətilə milyonlarla müsəlman Kərbəla şəhərinə piyada yürüş edir. Ötən il 20 milyon insanın bu izdihamlı mərasimdə iştirak etdiyi bildirilir. Bu il Ərbəin miladi təqvim ilə 19 oktybar tarixinə təsadüf edir.
Teqlər: iqna ، iran ، iraq ، ərbəin
Ad:
E-poçt:
* Comment: