IQNA

0:47 - September 12, 2018
د خبر لمبر: 3481513
نړیواله ډله: د ترکیې د کورنیو چارو وزیر د افغانستان د کډوالو چارو د وزیر په کتنه کښې وویل: ترکیه تل د افغانستان د امنیت، ثبات او پراختیا ملاتړ کوي.
د ایکنا راپور له مخې، د پارس ټوډۍ نه په نقل، د اناتولي خبري آژانس د خبر له مخې د ترکیې د کورنیو چارو وزیر سلیمان سویلو په انقره کښې د افغانستان د کورنیو چارو د وزیر سید حسین عالمي بلخي په کتنه کښې دې ټکي ته په اشارې سره چې ترکیې تل د افغانستان له امنیته ملاتړ کړی، وویل: په کابل کښې د امنیت ټینګښت د ترکیې ترټولو مهمه غوښتنه ده.
سلیمان سویلو وویل: په دغه ملاقات کښې د امنیتي ملګرتیا، کډوالۍ او له ترهګرو ډلو سره د مبارزې په شان مسائل وڅیړل شول.
د افغانستان د کډوالو چارو وزیر هم په دغه کتنه کښې وویل: په ترکیې کښې د غیرقانوني افغان کډوالو د مسئلې د هواري لپاره هم یولړ پریکړې شوې دي.
سیدحسین عالمی بلخی په دې خبرې سره چې د انقرې او کابل ترمینځ ډیر اشتراکات شته دي، زیاته کړه: په مختلفو زمینو په تیره بیا د کډوالو په چارو کښې د دواړو هیوادونو اړیکې باید پراخې شي.
د ویلو ده چې په غیرقانوني توګه اروپا ته تلونکي افغان کډوال وړومبۍ ځانونه ترکیې ته رسوي.
http://parstoday.com/ps/news/afghanistan-i76379

د خبر لمبر:
بريښناليک:
* ستاسو نظر: