ایکنا نیوز- شفقنا-دوسری جانب بھارتی فوج کی 15 ویں کور کے کمانڈر لیفٹیننٹ جنرل جے ایس سندھو نے کہا ہے کہ ساڑھے دس مہینوں میں اسی ملکی اور ایک سو دس غیر ملکی دہشت گردوں کو ہلاک کیا گیا ہے۔ وادی میں رواں برس کے ساڑھے دس مہینوں کے دوران ایک سو نوے مقامی اور غیر ملکی عسکریت پسندوں کو ہلاک کیا گیا ہے جبکہ وادی میں اس وقت کے دو سو کے قریب مقامی اور غیر ملکی عسکریت پسند موجود ہیں۔
جنرل جے ایس سندھو کا مزید کہنا ہے کہ ایک سو دس غیر ملکی عسکریت پسندوں میں سے چھیاسٹھ کو لائن آف کنٹرول کے نزدیک دراندازی کی کوشش کرتے ہوئے ہلاک کیا گیا ہے اور تقریباً ایک سو پچیس سے ایک سو تیس عسکریت پسندوں کو وادی کے اندرونی علاقوں میں ہلاک کیا گیا ہے۔
واضح رہے کہ بھارتی فورسز رواں سال کے آغاز سے مقبوضہ کشمیر کے مختلف علاقوں میں نام نہاد سرچ آپریشن کے بہانے بے گناہ نوجوانوں کو فائرنگ کر کے شہید کر رہے ہیں۔