ایکنا نیوز- اسلام ٹائمز۔ سنی اتحاد کونسل پاکستان کے چیئرمین صاحبزادہ حامد رضا نے کہا ہےکہ انتہاپسندی کے خاتمے کے لیے جامع منصوبے کی ضرورت ہے۔۔ دہشت گردی کے پھیلاؤ کا درست اندازہ لگانا ہوگا۔ دہشت گردی کا ناسور ملک کے ہر شہر اور ہر قصبے تک سرایت کرچکا ہے۔ ان خیالات کا اظہار انہوں نے سنی اتحاد کونسل کے مرکزی و صوبائی عہدیداروں کے غیر رسمی مشاورتی اجلاس سے خطاب کرتے ہوئے کیا۔
صاحبزادہ حامد رضا نے مزید کہا کہ دہشت گردوں کی حمایت کرنے والی مذہبی جماعتیں ملک دشمنی کا مظاہرہ کر رہی ہیں۔
عراق اور شام کے حالات سے سبق نہ سیکھا تو بہت بڑی تباہی ہمارا مقدر بنے گی۔ فرقہ پرست جنونیوں کو قابو کرنے کی ضرورت ہے۔
پاکستان اور افغانستان کی حکومتیں دہشت گردوں کے خلاف مل کر لڑیں گی تو خطہ امن آشنا ہوگا۔