ایکنا نیوز- اطلاع رساں ادارے «Islam.ru»، کے مطابق قازان میں مسجد «تینیچلیک» کی انتظامیہ کی جانب سے
فلاحی ڈیپ فریزر کا اہتمام کیا گیا ہے اس فلاحی ڈیپ فریزرکو «خزانہ رمضان» کا نام دے کر لوگوں سے کہا گیا ہے کہ ضرورت مندوں کے لیے غذا جمع کرا ئیں۔
انتظامیہ کی درخواست پر روزانہ بڑی تعداد میں عوام یہاں مختلف قسم کی غذا، فروٹ اور دیگر مشروبات جمع کراتے ہیں جن سے ضرورت مندوں کو کھانا دیا جاتا ہے
قازان میں پہلی بار اس فلاحی سلسلے کا آغاز کیا گیا ہے اور اسکا مقصد ماہ صیام میں مستحق افراد کی مدد کرنا ہے
تاتارستان کے مفتی کامل حضرت سمیعاولین، نے اس حوالے سے کہا ہے کہ ہمارے پیغمبر حضرت محمد(ص) سخی تھے لیکن ماہ صیام میں عام اوقات سے بڑھ کر لوگوں کی مدد کرتے تھے اور ہمارے لیے یہ موقع ہے کہ اس مہینے میں ہم اپنے اندر سخاوت کی فضیلت پیدا کریں۔ انہوں نے کہا کہ امید ہے کہ دیگر مساجد بھی اس جدید طریقے کو اپنا کر ضرورت مندوں کی مدد کریں گی ۔