ملک دشمن این جی اوز کو چھوٹ اور مدارس پر قدغن کہاں کا انصاف ہے ؟ جمعیت نظریاتی
ایکنا نیوز- جمعیت علما اسلام نظریاتی کے امیر مولانا عصمت اللہ اور دیگر رہنماوں نے مدارس پر چھاپوں اور سخت حکومتی اقدام کو غیرمنصفانہ قرار دیتے ہوئے حکومتی رویے کو نادرست قرار دیا
نواں کلی میں ایک جسلہ عام سے خطاب کرتے ہوئے جمعیت کے امیر نے کہا کہ ان اقدامات کا مقصد معاشرے میں مغربی تمدن کو فروغ دینا ہے کیونکہ مدارس پر سختی اور ملک دشمن این جی اوز کو کھلی چھوٹ دینا اس بات کی دلیل ہے کہ غیر اسلامی ثقافت کی ترویج کی کوشش کی جارہی ہے
مقررین نے کہا کہ ملک میں درپیش مشکلات کی وجہ یہی ہے کہ اسلام کے نام پر حاصل ہونے والے ملک میں اسلامی نظام کا نفاذ نہیں کیا جارہا ہے۔ مقررین کا کہنا تھا کہ ملک میں اسلام مخالف سرگرمیوں اور ثقافت کے لیے کوئی جگہ موجود نہیں ۔
قابل ذکر ہے کہ بعض دیوبندی مدارس کے دہشت گردی میں ملوث ہونے کے حوالے سے شواہد ملنے کے بعد مدارس رجسٹریشن کو لازمی قرار دیا گیا ہے۔
