ایکنا نیوز- ایران، عراق اور مختلف دیگر ممالک کی طرح پاکستان کے مختلف شہروں میں بھی جگر گوشہ رسول اللہ ص علیہ و آلہ وسلم حضرت امام حسین علیہ السلام ، حضرت امام سجاد اور حضرت عباس کی ولادت با سعادت دینی جوش و جذبے کیساتھ منائی جارہی ہے.
اس موقع پر مختلف علاقوں کو برقی قمقموں اور پھولوں سے سجایاگیا ہے، اس با برکت دن پر مساجد و امام بارگاہوں کو بھی خوبصورتی سے سجایا گیا ہے۔
عاشقان امام حسین ؑ نے کئی مقامات پر محفل میلاد و جشن کا اہتمام کیا ہوا ہے جن میں مختلف شعراء کرام و منقبت خواں حضرات شہید کربلا کی شان میں منقبت و قصیدہ خوانی فرمائیں گے۔
ایکنا نیوز کے مطابق دیگر شہروں کی طرح کویٹہ میں جشن اعیاد شعبانیہ آج رات سے شروع ہوگا جو ایک ہفتے تک جاری رہے گا اور تمام پروگرام رات نو بجے سے شروع ہوگا جنمیں تمام محبان اہل بیت اور عاشقان خاندان رسالت کو شرکت کی دعوت دی گیی ہے۔