سعودی عرب میں کورونا تیزی سے پھیلنے لگا، کتنے کیسز رپورٹ ہوئے؟ تشویشناک خبر آگئی

دنیا کے کئی ملکوں کی طرح سعودی عرب میں بھی کورونا وائرس کے پھیلاؤ میں شدت آگئی ہے۔مملکت میں صرف ایک دن میں کورونا وائر س کے تین ہزار 460 کیسز رپورٹ ہوئے ہیں۔

ڈیلی پاکستان نیوز کے مطابق سعودی عرب کے محکمہ صحت کے مطابق گزشتہ 24 گھنٹوں کے دوران کوروناکی وجہ سے مملکت میں ایک مریض جاں بحق ہوا ہے۔ اب تک مجموعی طور پر سعودی عرب میں کورونا کے  پانچ لاکھ 78 ہزار 753  کیسز رپورٹ ہوچکے ہیں جب کہ اموات کی تعداد آٹھ ہزار 893 ہوچکی ہے۔

مملکت میں کورونا کے فعال کیسز میں سے 141 مریضوں کی حالت تشویش ناک ریکارڈ کی گئی۔ وبا کی تشویش ناک صورت حال کے پیش نظر حکومت نے اقدامات بھی سخت کردیے ہیں۔