Tashar Russia Today ta bayar da rahoton cewa, a taron manema labarai da ya saba gabatarwa kafin ranar kirsimatia kowace shekara, shugaba Vladimir Putin na Rasha ya jaddada cewa, babu yadda za a yi keta alfarmar wani abu mai tsarki a wajen wasu mutane ko abin da suke girmamawa, hakan ya zamanto cikin 'yancin fadar albarkacin baki ko bayyana ra'ayi.
Ya kara da cewa: Irin wadannan ayyuka na iya haifar da karin kiyayya da tsattsauran ra'ayi a duniya.
A wani bangare na taron manema labarai, Putin ya amsa tambayar ko Rasha za ta amince da kungiyar Taliban a hukumance, inda ya ce: samun daidaiton dangantaka da Afghanistan na daya daga cikin muhimman batutuwan tsaron kasa ga Rasha.
Ya kara da cewa: "Abu mafi muhimmanci da ya kamata a yi a halin yanzu a Afganistan shi ne hana rugujewar kasar; Kasashen da suka mamaye Afganistan tsawon shekaru 20 ya kamata su kasance a sahun gaba a kasashen da ke ba da taimako ga Afghanistan.
A kowace shekara, shugaban na Rasha yana bayyana ra'ayinsa kan batutuwa daban-daban a wani taron manema labarai, wanda aka saba gudanarwa kafin Kirsimeti.
https://iqna.ir/fa/news/4023053