په افغانستان کې د یوناما مشر خارجه وزارت ته احضار شو
زمونږخبریال له کابله راپورراکړ په افغانستان کې د او د ملګرو ملتونو ځانګړی استازی او د یونامام مشر تادامیچی یاماموتو په دې علت له ډاکټر عبدا...سره ئې د ملی حکومت د جوړیړا په اړه لیده کاته کړي ،ددغه هیواد خارجه وزارت ته احضار شوی او ورته احتجاج شوی دی .
د افغانستان سرپرست خارجه وزارت سرپرست چخانسوري له یاماموتو سره په دغې اعتراضیه کتنې کې په ډاګه کړې، د ولسمشرۍ ټاکنو پروسه پاي ته رسیدلي او د افغانستان د اساسي قانون له مخې محمد اشرف غني د افغانستان د ولسمشر په توګه اعلان شوی او لوړه ئې کړې ده.
د افغانستان د خارجه وزارت په اعلامیې کې وئيل شوي دي ، ولسمشر تر لوړې وروسته پخپله وینا کې وئيلی چې یو داسې حکومت به جوړوي چې ټولو خواوو ته پکې ځآی ورکړل شوی وي .
چخانسوري ویلي، دافغانستان د کورني سیاست اړوندو موضوعګانو په اړه د بل چا بحثونه د افغانستان د اساسي قانون او نړیوالو مقرراتو پر ضد دی.
په دغې اعلامیې کې همداراز وئيل شوي د یوناما مشر یاماموتو هم وئيلي دي ، ملګري ملتونه په افغانستان کې د هیڅ ډول متوازي حکومت ملاتړ نه کوي او نه ئې هم په رسمیت پیژني اود افغانستان د سیاست په اړه نړیوال اصول رعایتوي او د لوړې د مراسمو پر مهال یې ولسمشر غني سره ولیدل.
وئيل کیږي ،یاماموتو چخانسوري ته د ملګرو ملتو د سرمنشي د مبارکۍ لیک هم سپارلی.
parstoday.com
