Ufaransa yafunga misikiti tisa, Waislamu wazidi kukandamizwa
"Maeneo tisa kati ya 18 ambayo tulikuwa tunayachunguza yamefungwa kufuatia amri yangu," amesema Gérald Darmanin katika ujumbe kupitia Twitter."
"Tunachukua hatua kali dhidi ya watu wenye misimamo ya Kiislamu wanaotaka kujitenga," ameongeza.
Mnamo Pili Disemba 2020, Darmanin alitangaza oparesheni maalimu ya kuchunguza misikiti au kumbi za swala 76 kte Ufaransa.
Imedokezwa kuwa aghalabu ya misikiti iliyofungwa iko katika eneo la Parisian na sababu zimetajwa kuwa za kiusimamizi na kutozingatia masuala ya usalama. Mbali na misikiti pia kumbi za swala za Waislamu pia zimefungwa katika oparesheni hiyo.
Serikali ya Ufaransa hivi karibuni ilipendekeza sheria mpya ambayo inaonekana kuwalenga Waislamu ambao hawakubaliani na mfumo unaotawala nchini humo.
Sheria hiyo ambayo inajulikana kama 'Ustawshaji wa Heshima kwa Misingi ya Jamhuri' pia inajulikana kama sheria ya kupinga wanaotaja kujitenga inatazamiwa kufikishwa bungeni Februari 1.
Mapema leo Jumamosi, Waziri wa Mambo ya Ndani wa Ufaransa amekutana na wakuu wa Baraza la Uislamu Ufaransa kujadili kile ambacho serikali ya Paris inakitaja kuwa ni 'mradi wa kuleta mabadiliko katika Uislamu' nchini Ufaransa.
Katika mradi huo, serikali ya Ufaransa inataka kuhakikisha kuwa Uislamu unaendeleana na thamani za mfumo wa Jamhuri unaotawala nchini humo.
Sheria hiyo inakinzana moja kwa mja na mafundisho ya Kiislamu huki ikiunga mkono thamani za usekulari ambao kimsingi unaihesabu dini kuwa inaishia katika matendo ya mtu binafsi tu na kuzuia kuingia dini katika masuala ya kijamii na kisiasa.
