İQNA-nın (Beynəlxalq Quran Xəbər Agentliyi) "ən-nəşrə" xəbər və informasiya portalına istinadən verdiyi xəbərə görə Şeyx Məhəmməd Rəşid Qəbbani vurğuladı: Bütün ərəb və müsəlmanlara vacibdir ki, sionist rejiminin işğalçı siyasətinin qarşısında müqavimət göstərsinlər və həmçinin "müqavimət hərəkatı"nı himayə etsinlər.
O, İslami cameələrdə vəhdətin qorunmasının zəruriliyinə işarə edərək dedi: Regionu təhdid edən təhlükə ilə mübarizənin yeganə silahı və yolu vəhdəti qorumaq və birləşməkdir.
Sabiq müfti çıxışının davamında vurğuladı: Sionist rejimi Fələstin torpaqlarını öz işğalında saxladığı zaman boyunca bu region asayiş üzü görməyəcəkdir. Biz əlimizdən getmiş bu haqqımızı, yəni işğal olunmuş Fələstin torpaqlarını almayınca, bu rejimin qarşısında müqavimət göstərməliyik.
O vurğuladı: Fələstin müqavimət məsələsi gələcək nəsillər üçün də öz qüvvəsində saxlanılmalı və sionist rejimi ilə hər bir əlaqənin adiləşməsinə aparan bütün yollar bağlanılmalıdır.