Dr. Ruhaninin İraq dövlətinə təşşəkkür və təqdir ismarıcı Heydər əl-İbadiyə çatdırıldı
İQNA-nın (Beynəlxalq Quran Xəbər Agentliyi) "əl-fürat nyuz" xəbər və informasiya portalına istinadla verdiyi xəbərə görə, İraq dövlətinin baş nazirliyinin dəftərxanasından yayılan bir bəyanatda deyilir: İraq dövlətinin başçısı Heydər əl-İbadi dünən (7 dekabr 2015) İran İslam Respublikasının Dr. Həsən Ruhani tərəfindən göndərilmiş məktub alıb ki, məktubda İraq dövlət və millətdinən ƏRBƏİN ziyarəti günlərində İraq dövləti və millətinin ziyarətçilərə göstərdiyi misilsiz xidmətlərə və təhlükəsizliklərini tam təmin etdiklərinə görə təqdir və təşəkkür edilir.
İran İslam Respublikasının Bağdaddakı səfiri Dr. Danayi Fər dünən (7 dekabr 2015) İraq dövlətinin başçısı Heydər əl-İbadi ilə görüşündə Dr. Ruhaninin yazdığı təqdir və təşəkkür məktubunu təqdim etmişdir.
Elə buna qarşılıq olaraq Heydər əl-İbadi də dünən yaydığı bəyaniyyə İran İslam Respublikasından və İran xalqından bu ziyarət zamanı göstərdikləri köməklərə görə təşəkkür edərək vurğuladı: İraqda İŞİD əleyhinə müharibənin davam etməsinə və vəziyyətin çox çətin olmasına baxmayaraq İraq dövləti zairlərə xidmət göstərmək və onların təhlükəsizliyini qorumaq üçün uğurlu addımlar ata bilmişdir.
