Kərbəlada və Qumda Həzrət Rüqəyyənin (s.ə) şəhadət mərasimi - Foto

Tehran, 05.11.2016 – Bu gün Həzrət İmam Hüseynin (ə) 3 yaşında şəhid olmuş qızı Həzrət Rüqəyyənin (s.ə) şəhadət günüdür.

Beynəlxalq Quran Xəbər Agentliyi (İQNA) Maide.Az-a istinadla xəbər verir ki, bu münasibətlə İmam Hüseynin (ə) və Həzrəti Əbülfəzl Abbasın (ə) pak hərəmlərində,  Beynul Hərəmeyndə Rüqəyyə (s.ə) matəm məclisi təşkil edilib.

Beynul Hərəmeyn boyu salınan matəm süfrəsinin ətrafına balaca Rüqəyyələr cəm olub. Matəm məclisində nohələr və mərsiyələr oxunub, əzadarlıq edilib.

Həzrət Məsumənin (s) hərəmində əza məclisi

Ötən axşam həmdə bu münasibətlə Qum şəhərində həzrət Məsumənin (s) hərəmində əza mərasimi təşkil edilib, Həzrət Rüqəyyə süfrəsi açılıb. Belə ki, Xanım Məsumənin hərəminin həyətində yaşıl süfrə salınaraq çıraqlar və şamlar düzülüb. Əzadarlıq edilərək o həzrətə matəm saxlanılıb.