İQNA-nın (Beynəlxalq Quran Xəbər Agentliyi) verdiyi xəbərə görə, Suriyanın paytaxtı Dəməşqdə 30 min yetim uşaq qeydiyyata alınıb. Bu barədə Suriyanın Əmək və Sosial İşlər Naziri məlumat verib.
Suriyanın Əmək və Sosial İşlər Naziri Rima Qadiri elan edib: Suriyanın paytaxtı Dəməşq şəhəri və ətraf qəsəbələrində 30 min yetim uşaq nazirlik tərəfindən qeydiyyata alınıb.
Əmək və Sosial İşlər Naziri Rima Qadiri əlavə edib: Nazirlik ölkədəki yetim uşaqları qeydiyyata almağa başlayıb. Bu işi paytaxt Dəməşqdən başlamışıq və davamında digər əyalət və şəhərlərdəki sahibsiz uşaqlar da qeydiyyata alınacaqdır.
Rima Qadiri vurğulayıb: Suriyada terrorçular ilə müharibə başlayan zaman ölkənin yetimxanalarında 600 uşaq var idi. Amma indi onların sayı çox çox artmışdır. Təkcə Dəməşq və ətraf qəsəbələrdə 30 min yetim uşaq siyahıya alınıb.