Dünyanın ən böyük məscidlərində Fitr bayramı namazları qılınacaq – Foto
İQNA-nın (Beynəlxalq Quran Xəbər Agentliyi) verdiyi xəbərə görə, mübarək Ramazan ayının sonuna yaxınlaşması münasibəti ilə dünyanın ən böyük məscidləri Fitr bayramı namazını qılacaq möminləri qarşılamağa hazırlaşıb.
Fitr bayramı namazında dünyanın ən izdihamlı məscidləri Ərəbistan, Pakistan, Hindistan və BƏƏ-nin aşağıdakı məscidləri olacaq:
Məscidul-Həram
Bu məscid Həzrət İbrahim peyğəmbərin (ə) zamanında tikilib. Kəbəbin ətrafında tikilmiş bu məscidin günbəzləri əvvəlcə yaşıl olsa da 1837-ci ildə dəyişdirilərək indiki rənglə bəzədilib. Bu məscidin namazqılan tutumu 4 milyon nəfərdir. Bu il Fitr bayramı günü Məscidul-Həramda 900 min nəfərin namaz qılacağı ehtimal edilir.
Məscidun-Nəbi
Hicrətin birinci ili tikilən və hazırda 1440 yaşı olan bu məscid sonuncu dəfə 1994-cü ildə genişləndirilib. Hazırda burada eyni zamanda 1 milyon nəfər insan namaz qıla bilər.
Feysəl məscidi
Pakistanın İslamabad şəhərində 1969-cu ildə planı hazırlanmış və 1976-cı ildə Türkiyəli memar Vidat Dalukay tərəfindən inşasına başlanılmış bu məscidin tikintisi 1968-cı ildə başa çatıb. Məscid Ərəbistanın padşahı Məlik Feysəlin maddi dəstəyi ilə tikilib. Bu məsciddə eyni zamanda 100 min nəfər namaz qıla bilər.
Şeyx Zayid məscidi
BƏƏ-nin Əbu-Zəbi şəhərində Suriyalı memar Yusif Əbdülkey tərəfindən layihəsi hazırlanmış bu məscid 1996-2007-ci illərdə tikilib. Məscid Türkiyə, Mərakeş, Pakistan və Misr memarlıq üslubunun tərkibi əsasında inşa edilib. BƏƏ-nin ən böyük məscidi sayılan bu məsciddə eyni zamanda 40 min nəfər namaz qıla bilər.
Dehlinin Came məscidi
Bu məscid hindistanın monqol padşahı Şah Cahanın imperatorluğu dövründə tikilib. Hicri-Qəməri tarixi ilə 1060-1066-cı illərdə inşa edilmiş bu məsciddə eyni zamanda 25 min nəfər namaz qıla bilər.
