Avropa ölkələrində məscidsiz paytaxt qalmadı
İQNA-nın (Beynəlxalq Quran Xəbər Agentliyi) verdiyi xəbərə görə, Avropa ölkələrinin axırıncı məscidsiz paytaxtı da bu gün, həftənin Cümə günü, 7 İyun 2019-cu il, məscidə sahib olacaq.
Yunanın paytaxtı Afina şəhərində bu gün uzun illər mübahisəli qalmış və tikilməsi ilə müxalifət edilmiş ilk məscidin rəsmi şəkildə açılış mərasimi keçiriləcək.
Məscidin açılış mərasimində Yunanıstanın rəsmiləri, o cümlədən Dini İşlər və Təhsil Naziri Kustas Gavuroğlu iştirak edəcək.
Osmanlı ipmeriyasının süqutundan sonra Afinada məscid olmayıb. Və son illərdə Avropa ölkələri arasında məscidi olmayan yeganə paytaxt hesab edilirdi.
Afinada bu məscidin tikintisinə başlandıqda radikallar tərəfindən müxalifətlə üzləşmiş və bu üzdən məscidin açılışı indiyədək dəfələrlə geriyə atılmış və gecikmişdi. Bu gün də məscidin açılış mərasimi keçiriləcəyinə rəğmən məsciddə camaat namazı qılınmayacaq. Çünki məscidin idarə heyəti hələ də məlum deyil və seçilməyib.
Afina məscidi digər ölkələrdəki məscidlərdən fərqlidir. Çünki minarəsi və səsucaldıcısı yoxdur və habelə bu məsciddə səsucaldıcıdan istifadə qadağandır. Və təkcə Ramazan ayında 24 saat açıq olacaqdır. Digər günlərdə isə təkcə namaz vaxtlarında fəaliyyət göstərəcəkdir.
Afina məscidində eyni zamanda 300 kişi və 50 qadın namaz qıla biləcəkdir.
