İordaniyada 2 min Quran hifzi təlimi mərkəzi fəaliyyət göstərir
İQNA-nın (Beynəlxalq Quran Xəbər Agentliyi) verdiyi xəbərə görə, İordaniyada iki mindən çox Qurani-Kərimin hifzi təlimi mərkəzi fəaliyyət göstərir.
Bu barədə İordaniyanın İslami İşlər, Müqəddəs Məkanlar və İslami Fondlar Naziri Əbdünnasir Əbulbəsəl Əclun şəhərində Quran hafizlərinin mükafatlandırılması mərasimində məlumat verib.
O, çıxışında bildirib ki, sağlam gələcək nəsilin yetişdirilməsi üçün Quran maarifi və hifzini öyrədən mərkəzlərin xüsusi rolu var.
Əbdüssəlam Nəsir – Əclun şəhərinin İslami Fondlar İdarəsinin rəisi mərasimdə çıxış edərək deyib: Qurani-Kərimi əzbərləmək Allahın ən gözəl və mühüm nemətlərindən biridir.
Quran hafizləri və ailələrinin iştirakı ilə keçirilən mərasimdə 18 nəfər Quran hafizi İordaniyanın İslami Fondlar Naziri tərəfindən mükafatlandırılıb.
