İQNA-nın (Beynəlxalq Quran Xəbər Agentliyi) verdiyi xəbərə görə, ötən gecə (26 Yanvar 2020) Ali Rəhbər Ayətullah Xamenei, bir qrup hökumət rəsmisi və xalqın müxtəlif təbəqələrindən olan minlərlə insanın iştirakı ilə İmam Xomeyni (r.ə) adına hüseyniyədə Həzrət Fatimeyi-Zəhranın (s.ə) şəhadətinə həsr edilmiş birinci matəm gecəsi keçirildi.
Mərasimdə çıxış edən Höccətül-İslam vəl-müslimin Sədiqi Qurani-Kərimin ayələri, o cümlədən “Məvəddət ayəsi”nə istinad edərək Əhli-beytin (ə), o cümlədən Həzrət Fatimənin (s.ə) tanınmasının məvəddət və o öndərlərə tabe olmağın vacib şərti olduğunu dedi: “İslamın o böyük xanımının ən mühüm üstünlüyü xalis bəndəlik və canı bahasına vilayətin haqqını qorumaq olmuşdur. Bu işıqlı məktəbin Şəhid Süleymani kimi yetirmələri də canlarını qurban verməyə hazır olacaq qədər bəndəlik və vilayətçilik dəyərlərinə bağlıdırlar”.