Orucun koronavirusa yoluxmaqda təsirli deyil
Tehran (IQNA) - Misrin Darul-Fətvası (Fətvalar Evi) sosial şəbəkə hesabında bəyaniyyə yayaraq oruc tutmağın koronavirusa yoluxmaqda təsirli olmadığını elan edib.
"əl-Yəvmus-Sabe" informasiya portalının verdiyi xəbərə görə, Misrin "Darul-Fətva"sı (Fətvalar Evi) bəyaniyyədə yazıb: Tibbi komitə ilə məşvərət edildikdən sonra məlum oldu ki, oruc insanların koronavirusa yoluxmasında təsirli amil deyil. Əksinə, oruc tutmaq viruslara qarşı, o cümlədən də koronavirusa qarşı insanın bədənin təhlükəsizliyini gücləndirir.
Darul-Fətva vurğulayıb: Koronavirusa yoluxmuş xəstələrə xidmət edən həkimlərə oruc tutmağın zərəri olarsa, onlar oruc tutmaya bilərlər. Bu məsələ həkimlərin heyətinin rəyinə bağlıdır.
Bəyaniyyədə deyilir: Əgər həkimlər hər hansı bir xəstə üçün oruc tutmağın zərərli olduğunu deyərlərsə, onların rəyinə əməl etmək vacibdir. Çünki sağlamlığı qorumaq orucdan daha əhəmiyyətli və vacibdir.
