Avropa Fətva Şurası Fitr bayramının vaxtını elan etdi
"Aboutİslam" informasiya portalının verdiyi xəbərə görə, Avropa İslami Araşdırma və Fətva Şurası (ECFR) bəyanat yayaraq May ayının 24-də Fitr bayramı keçiriləcəyi bildirib.
Mərkəzi qərargahı İrlandiya respublikasının paytaxtı Dublin şəhərində yerləşən Avropa İslami Araşdırma və Fətva Şurası (ECFR) elan edib ki, May ayının 22-də, həftənin Cümə günü, Məkkə vaxtı ilə Şəvval ayı saat 20:39 başlayacaq. Həmin gün Məkkə şəhərində qürub çağı Şəvval ayının hilalını adi və ya təchiz edilmiş gözlə görmək olmayacaq. Buna görə də həftənin Bazar günü, May ayının 24-də Fitr bayramı günü olacaq.
Şimali Amerikanın İslami Fiqh Şurası (FQNA) da May ayının 24-də Fitr bayramı olacağını elan edib və koronavirusa görə müsəlmanlardan istəyib ki, bayramı və Fitr günü ayinlərini evlərində qeyd etsinlər.
