Həzrət Əbülfəzl Abbasın(ə) pak hərəmi 400 min tibbi maska istehsal edib pulsuz payladı

Tehran (IQNA) - Həzrət Əbülfəzl Abbasın (ə) pak hərəmi İraqda koronavirus infeksiyasına yoluxma hadisələrinin artmasından sonra istehsal gücünü artıraraq, bu günə qədər 400 min maska istehsal etdiyini elan edib.

IQNA (Beynəlxalq Quran Xəbər Agentliyi) Deyerler.org-a istinadən xəbər verir ki, qoruyucu maskalara ehtiyacın böyük olduğunu və apteklərdə və ya aptek depolarında demək olar ki, tapılmadığını nəzərə alan müqəddəs ziyarətgahın rəhbərliyi, bu səbəblə maska istehsalı emalatxanalarında çox gərgin işlədiklərini və istehsal olunan maskaları pulsuz payladıqlarını bildirib.

Müqəddəs ziyarətgahın istehsal etdiyi maskalar Əbdülfəzl Abbasın (ə) hərəminin xidmətçiləri, təhlükəsizlik qüvvələri, səhiyyə işçiləri və s. vasitəsilə insanlara paylanılıb.