Tarix muzeyində prezidentin hədiyyə etdiyi Quran saxlanılır

Tehran (IQNA) - Azərbaycan Milli Elmlər Akademiyasının Milli Azərbaycan Tarixi Muzeyinin Hədiyyələr və xatirə əşyaları fondunda müqəddəs “Quran” kitabı qorunur.

AMEA-nın Milli Azərbaycan Tarixi Muzeyinin Hədiyyələr və xatirə əşyaları fondunda müqəddəs “Quran” kitabı qorunur.

Muzeydən AZƏRTAC-a bildirilib ki, xüsusi nəfis tərtibatla nəşr olunmuş kitab Azərbaycan Prezidenti İlham Əliyev tərəfindən 2011-ci il fevralın 3-də hədiyyə edilib.

Xatırladaq ki, Milli Azərbaycan Tarixi Muzeyində islam mədəniyyətini əks etdirən müxtəlif qiymətli eksponatlar saxlanılır və öyrənilir.

Bu muzeydə qorunan digər Quran nüsxəsi "Məhəmmədin Quranı" adlanır. Bu Quran nüsxəsini 1864-cü ildə Albert de Biberstein-Kazimirski Ərəbcədən Fransız dilinə tərcümə edib. Daha sonra isə bu nüsxə Fransızcadan Rus dilinə tərcümə edilib. /3908322