Səfər ayının 28-i sevimli Peyğəmbərimiz Həzrət Muhəmmədin (s) rehləti və İmam Həsənin (ə) şəhadəti günüdür. Bu münasibətlə həzrət İmam Əlinin (ə) mütəhhər hərəmində matəm hazırlıqlarına başlanılıb.
Hərəmin mühəndis-texniki xidmət şöbəsinin naxış idarəsinin işçiləri hazırladıqları 50-dən çox kiçik və böyük matəm bayraqlarını qızıl qübbənin divarlarından asıblar.
Matəm münasibətilə hərəmə yüz minlərlə zəvvarın axın edəcəyi gözlənilir.
Bu arada, İmam Əlinin (ə) müqəddəs ziyarətgahı həzrəti Muhəmməd (s) peyğəmbərin vəfatının ildönümündə ziyarətçilərə xidmət etməyə hazırlaşmaq üçün xidmətçilərini səfərbər edib.