Fələstinin Əl-Məhd kilsəsi qarşısında Makron və Fransa əleyhinə mitinq keçirildi
Fransa prezidenti və mediası tərəfindən İslam dininə və Həzrət Peyğəmbərimizə (s) edilən təhqirlərə qarşı fələstinlilərin etirazları davam edir.
Deyerler.org xəbər verir ki, Fələstinli xristian, müsəlman vətəndaşlar və din xadimləri İordan çayının Qərb Sahilindəki Beytullahim şəhərində yerləşən Əl-Məhd (Doğuş) kilsəsi qarşısında mitinq keçirərək, Fransa prezidentinə qarşı şüarlar səsləndiriblər.
Fələstinli xristian, müsəlman vətəndaşları və dini liderləri Əl-Məhd Kilsəsinin qarşısında keçirdikləri mitinqdə İslamın təhqir olunmasını pisləyiblər.
Mitinq iştirakçıları dini rəmzlərin təhqir olunmasını qınayıblar və Fransanın prezidenti Emmanuel Makrona qarşı şüarlar səsləndiriblər və İslam Peyğəmbərinin (s) və ya başqa bir peyğəmbərin təhqir edilməsinin qəbul edilməz olduğunu bildiriblər.
Birzit Universitetinin bir sıra tələbəsi və Fələstin xadimlərinin Ramallahın mərkəzində keçirdiyi etiraz mitinqində isə Fransa bayrağı yandırılıb.
