Britaniya polisi uniforma üçün hicabı sınaqdan keçirir
Nəfəs ala bilən idman parçasından hazırlanan baş örtüyü ilk dəfə Yeni Zelandiyada polis tərəfindən təqdim edilib, lakin indi Böyük Britaniyadakı polis qüvvələri tərəfindən də qəbul oluna bilər.
Yeni Zelandiya Polisi Massey Universiteti ilə birgə 16 aydan artıq vaxtda sözügedən hicabın dizaynının hazırlanması üzərində işləyib.
Polis əməkdaşlarının dəbilqəsi kimi digər polis avadanlıqları ilə taxıla bilən maskanın çəkildiyi anda sərbəst buraxılan maqnit düyməsinə sahibdir. Bu xüsusiyyət hicablı polis qadınlarına kömək edəcək. Belə ki, şübhəlilərlə mümkün fiziki qarşıdurma halında, hicab taxmaları səbəbindən yaralanma təhlükəsindən onları qoruyacaq.
Lester Polisi ölkədəki bu xüsusi baş örtüyünü sınaqdan keçirən ilk qüvvə olub, lakin əvvəllər London, Şotlandiya və Şimali Yorkşir polisi tərəfindən digər forma hicablardan istifadə edildiyini də söyləmək olar.
Lester şəhəri Böyük Britaniyanın müxtəlifliyi ilə seçilən bölgələrdən biridir və müsəlmanlar əhalinin 20%-ni təşkil edir. Məhkəmənin azsaylı icmalardan qadınların polis sıralarına qoşulmasını qadağan edən mədəni maneələrin aradan qaldırılmasına kömək edə biləcəyinə ümid edilir.
Milli Müsəlman Polisi təşkilatından olan Yusuf Naqdi belə deyir: “Lesterdə həqiqətən çox müxtəlif bir cəmiyyətimiz var və xidmət etdiyimiz cəmiyyəti həqiqətən təmsil etmək istəyirik. Xüsusilə müsəlman cəmiyyəti və qadınları arasında əngəllərdən biri hicab olmuşdur. Polisə getmək istəyən bir sıra şəxslərin olduğunu bilirik, amma inanclarının tələblərini pozmaq istəmirlər”.
Oktyabr ayında polis qüvvələrinə qoşulan tələbə zabit Xədicə Mansur, nəticədən məmnun olduğunu söyləyib: “Hicab geyinməyim məni çox rahat etdi və geyimimi çox yaxşı tamamlayır. Rahatdır və məhdudlaşdırmaqdan çox uzaqdır. Təlimimi hamı kimi yaxşı apara bilirəm.
Digər müsəlman qadınların Lester Polisinin bütün şəxslərin ehtiyaclarını, xüsusən də forma ilə təmin etdiyini bilmələri üçün geyimimizin bir hissəsi olaraq qəbul edilməsinin vacib olduğuna inanıram.
Ümid edirəm bu, müsəlman xanmların polis sahəsindəki karyera kimi baxmağı onlara ilham verəcək”. /iqna
