Roma Papası İraqda səfərdədir - Foto
Dünyanın katolik xristianlarının və Vatikanın rəhbəri Roma Papası Fransisk ötən gün (5 Mart 2021) İraqa səfərə gəlib. Papanı İraqın rəsmiləri Bağdad hava limanında qarşılayıblar.
Onu Hava Limanında İraqın Baş Naziri Mustafa Kazimi qarşılayıb.
Daha sonra İraq Prezidenti Bərham Saleh tərəfindən Papanı rəsmi qarşılama mərasimi baş tutub.
Papa Bağdadın "Seyyidətun-Nicat" kilsəsində olacaq.
Katoliklərin rəhbəri Zi-Qar əyalətinin Ur şəhərində keçiriləcək İslam və xristianlıq dialoqu toplantısında iştirak edəcək.
Papanın müsəlmanların Nəcəf şəhərindəki təqlid mərcəsi Həzrət Ayətullah Üzma Seyyid Əli Sistani ilə də görüşü gözlənilir.
Papanın İraqa səfərinə görə Bağdad və Nəcəfdə Həşduş-Şəəbi silahlı qüvvələri tam hazır vəziyyətə gətirilib. Təhlükəsizlik tədbirləri gücləndirilib. /iqna
