Sionist rejim Əl-Əqsa məscidində fələstinlilərə amansızcasına hücum etdi: 178 yaralı var
Sionist rejim Əl-Əqsa məscidində fələstinlilərə amansızcasına hücum etdi. Sionist rejimin qüvvələri dünən (7 may) axşam Əl-Əqsa məscidində fələstinli ibadət edənlərə hücum edərək, bir çoxunu yaralayıblar.
"əl-Aləm"in məlumatına görə, sionist əsgərlər Əl-Əqsa məscidinə girərək gözyaşardıcı qaz və səs qumbaraları ataraq ibadət edən fələstinliləri yaralayıblar.
Fələstin mediası, ilkin statistikaya görə, sionist silahlıların Əl-Əqsa məscidinin içərisində ibadət edənlərə etdiyi şiddətli hücum nəticəsində ən azı 178 fələstinlinin yaralandığını bildirib.
Qarşıdurmalar hal-hazırda Əl-Əqsa məscidindən cümə günü sionist əsgərlər tərəfindən bağlanmış və yaşayış məntəqələri xaricindəki fələstinlilərin içəri girməsinə icazə vermədiyi Bab Əl-Əmuda darvazasına qədər ərazini əhatə edir.
Qüdsün mərkəzindəki Bab Əl-Əmud bölgəsi son 10 gündə sionist əsgərlərlə Qüds xalqı arasında toqquşmalara səhnə olub. Qüds sakinləri İsrail rejiminin Qüdsü yəhudiləşdirmə proqramını və Əl-Əqsa məscidinin zaman və məkan bölgüsünü Bab əl-Amud bölgəsinin (Məscidi-Əqsa Məscidinə bitişik) bağlanması ilə irəliləməsinə icazə verməyəcəklərini vurğulayırlar.
Əl-Əqsa məscidində cümə namazında on minlərlə fələstinlinin iştirakı və daha sonra Beynəlxalq Qüds Günü münasibətilə Əl-Əqsa məscidinin həyətlərində ibadət edənlərin toplanması sionist rejimdə hiddət və qorxuya səbəb olub. Son günlərdə Qüds xalqına qarşı edilən bütün məhdudiyyətlərə və hücumlara baxmayaraq, Əl-Əqsa məscidində müsəlmanların toplaşmalarına mane ola bilməyiblər.
Digər tərəfdən, bu günlərdə dünyada mətbuatda bəhs olunan Qüdsün Şeyx Cərrah məhəlləsində, sionist gəlmələrin bu gecə sakinlərə yenidən hücum etmək istədikləri bildirilib.
Qüds gəncləri Şeyx Cərrah sakinlərinə dəstək olduqlarını bildirmək üçün məhəllənin girişində toplaşıblar. Sionist əsgərlər axşamdan bəri bu məhəlləyə giriş-çıxışları bağlayıb.
Fələstinin İslami Cihad hərəkatının baş katibi Ziyad Ən-Nəxxalə cümə gecəsi Qüdsdə baş verənlərə sərt reaksiya verərək, belə deyib: “Qüdsdə baş verənlər qarşısında susmaq mümkün deyil və düşmən hər zaman cavabımızı gözləməlidir”.
Ziyad Ən-Nəxxalə fələstinliləri Əl-Əqsa məscidinə getməyə və müqəddəs Ramazan ayının 28-ci gününə (İsrail rejiminin Əl-Əqsa məscidinə hücum etməyi planlaşdırdığı) qədər oranı tərk etməməyə dəvət edib.
“Əl-Əqsa məscidinə çata biləcək istənilən bir fələstinlidən bunu etməsini və Ramazan ayının 28-nə qədər oradan çıxmamasını xahiş edirik”, - deyə o, bildirib.
Fələstin İslami Müqavimət Hərəkatı (HƏMAS) da cümə gecəsi Əl-Əqsa məscidi hadisəsinə reaksiya olaraq belə bir bəyanat verib: “İşğalçı rejimin Məscidül-Əqsaya ibadət edənlərə etdiyi işlər, sionist müharibəsinin Qüds xalqına və ibadət azadlığına qarşı olduğunu göstərir”.
HƏMAS-ın lideri İsmayıl Haniyə də sionist əsgərlərin Əl-Əqsa məscidinə hücumunun nəticələri barədə xəbərdarlıq edərək, sionist rejimin fələstinli ibadət edənlərə qarşı hücumlarını dayandırmaq üçün bir sıra yerli məmurlara zəng etdiyini söyləyib.
Haniyə Netanyahuya xəbərdarlıq edərək, belə deyib: “Odla oynamayın, əlimizdə olan hər şeylə Əl-Əqsa məscidini və Şeyx Cərrahı müdafiə edirik və bu döyüşün məğlub olanı sizsiniz”.
Fələstin Muxtariyyətinin başçısı Mahmud Abbas da belə bir bəyanat verib: “Beynəlxalq ictimaiyyəti millətimizin beynəlxalq dəstəyi və müqəddəsliklərimiz üçün bütün məsuliyyəti öz üzərinə götürməyə çağırırıq. Düşmən Qüdsdə nəticəsi bilinməyən axmaqlıq etdi.
Fələstinin baş naziri Məhəmməd İştiyə isə belə danışıb: “Qüdsdə və Şeyx Cərrahda baş verən hadisələr, fələstinlilərin məcburi köçürülməsi siyasətinin yeni nümunəsidir”. /iqna
