Yaponiyanın Səudiyyə Ərəbistanındakı səfirinin Qurani-Kərimə marağının səbəbi
"İQNA", "Sputnik"-in Ərəb bölümünə istinadən xəbər verir ki, Yaponiya səfiri bazar günü, yanvarın 26-da öz rəsmi səhifəsində ərəb dili biliklərini gücləndirmək üçün Qurani-Kərimi, xüsusən də Əl-Fatihə surəsini dinləməyə başladığını bildirib.
İvai ərəb dilini təxminən otuz il əvvəl Misirdə öyrənib. O, bu ilin əvvəlində Səudiyyə Ərəbistanına səfir təyin edilib. O, bundan əvvəl 10 il Ər-Riyaddakı səfirin müavini vəzifəsində çalışıb.
O, əvvəllər ölkəsinin İraqdakı səfiri olub.
Fumio İvai o vaxt ərəbcə bir məqalədə Rəd surəsinin 11-ci ayəsinə istinad etmişdi. Ayədə belə deyilir: "Heç bir qövmü (və ümməti) onlar özlərində olanı dəyişmədikcə dəyişməz." O bu ayəyə istinad edərək yazmışdı: "Bu ayədə xalqların tərəqqi və rifah siyasəti izah edilir."
4023791
