"İQNA", "Əl-Xəlic Online"-a istinadən xəbər verir ki, bütün Omanın müftisi Şeyx Əhməd ibn Həmd Əl-Xəlili Hindistanda müsəlmanlara, xüsusilə də qadınlara qarşı təzyiq və təqibləri pisləyərək, bu problemin həll edilməsini istəyib.
O, bildirib ki, nəhayət, hindli müsəlman qadına da dini hicabına görə təzyiq edilib. Bu, dinə və müqəddəslərin qorunmasına aid bir məsələdir.
Şeyx Əl-Xəlili deyib ki, məlumdur ki, Hindistan əsrlər boyu müsəlman hökmdarlar tərəfindən idarə olunub. Bu zaman onlar öz inanclarına, ibadətlərinə və onların bütün adət-ənənələrinə hörmətdən başqa bir şey görməyiblər. Buna görə də Hindistan hakimiyyəti Hindistan müsəlmanlarının hüquqlarına hörmət etməlidir.
4036045