Müsəlman və xristian alimləri zorakılığın artmasından narahatdırlar
"İQNA", "İslam.de"-yə istinadən xəbər verir ki, Ümumdünya İnsan Qardaşlığı Günü münasibətilə keçirilən görüşdə hər iki qrupun üzvləri birgə fəaliyyət perspektivlərini müzakirə ediblər.
Ümumdünya İnsan Qardaşlığı Günü 4 fevral 2019-cu il tarixində Katolik Kilsəsinin prezidenti Papa Fransisk və Əl-Əzhərin Şeyxi və Abu Dabidə Misirin müsəlman alimləri Şurasının sədri Əhməd Məhəmməd əl-Tayyib tərəfindən İnsan Qardaşlığına dair görkəmli sənədin imzalanmasının ildönümüdür.
"İnsan Qardaşlığı" sənədinin imzalanması zamanı onlar Almaniya kimi ölkələrdə xristian-islam dialoqunun necə cərəyan edəcəyindən narahat idilər. Bu sənədin imzalanmasının birinci ildönümü münasibətilə Müsəlmanların Koordinasiyası üzrə Ali Şuranın və Alman Yepiskoplar Konfransının üzvləri Almaniyadakı xristian və müsəlman icmaları arasında dinlərarası dialoqu müzakirə etmək üçün bir araya gəlib və bəyanat veriblər.
Bəyanatda Almaniya Müsəlmanları Ali Şurasının baş katibi və Auqsburq yepiskopu da alman cəmiyyətində zorakılığın artması ilə bağlı narahatlığını ifadə edib: "Hər hansı irqçilik, antisemitizm və islamofobiyaya qarşı durmağın vaxtıdır. Ölkədə dini məkanlara edilən hücumlar biganəliklə müşayiət olunmamalıdır. Sinaqoqlar, kilsələr və məscidlər eyni dərəcədə qiymətlidir və qorunmalıdırlar. Almaniyada dini və ya irqinə görə əziyyət edilən hər kəs qorunmalıdır."
