"İQNA", "CT Mirror"-a istinadən xəbər verir ki, Konnektikut ştatının Vindzor şəhərindən olan Məryəm Xan, Konnektikut Nümayəndələr Palatasında keçirilən seçkilərdə ilk müsəlman olaraq qalib gəlib.
Qeyri-rəsmi nəticələr göstərib ki, Demokrat Partiyasının üzvü olan Xan digər iki namizədə qarşı səslərin təxminən 75 faizini qazanıb.
Bu nəticə ştatın qanunverici orqanının tərkibini demokratların xeyrinə 97-54 dəyişir.
33 yaşlı Məryəm Xan təhsil üzrə magistr dərəcəsinə malikdir və dövlət məktəblərində dərs deyir.