“İQNA”-nın İraqın “Nun” xəbər agentliyinə istinadən verdiyi xəbərə görə almaniyalı siyasi fəal və dini azadlıqların müdafiəçisi David Müller bildirib ki, bu söhbət insan ləyaqəti anlayışı, eləcə də İmam Hüseynin (ə) şəxsiyyətində təcəssüm edən dəyərlər, xüsusilə insan ləyaqətinin qorunması, ədalətsizlik qarşısında müqavimət göstərilməsi və başqaları qarşısında məsuliyyətin qəbul edilməsi kimi mövzuları əhatə edib.

O qeyd edib ki, Şeyx Kərbəlayinin sözləri onun yaddaşına həkk olunub: “Burada yaşadığın və gördüyün təcrübəni öz ölkənin insanlarına danış.”

Müller vurğulayıb ki, bu təcrübəni bölüşmək İraqın siyasi və dini mürəkkəbliklərini görməzdən gəlmək və ya bu ölkə haqqında idealizə edilmiş, reallığa uyğun olmayan təsəvvür yaratmaq demək deyil. Bununla belə, o, İraqı və şiəliyi yalnız Qərb auditoriyasına adətən çatdırılan qarşıdurma və siyasət görüntüləri ilə məhdudlaşdırmaqdan çəkinməyin vacibliyini vurğulayıb.

İraqda müxtəlif dinlərin ardıcılları arasında dialoq və dinc yanaşı yaşayış nümunələrinin nümayiş etdirilməsinin vacibliyini vurğulayan Müller bildirib: «Bu cür münasibətlər və qarşılıqlı əlaqələr də reallığın bir hissəsidir və onların danışılmağa və paylaşılmağa haqqı var.»

Müller “OJCOS” adlı birlikçi xeyriyyə fondu ilə əməkdaşlıq çərçivəsində siyasətçilər, dini liderlər və vətəndaş cəmiyyəti nümayəndələri ilə qarşılıqlı əlaqələr qurur, həmçinin Almaniyada qərar qəbul edən şəxslərin və ictimaiyyətin İraqın dini azlıqlarının qarşılaşdığı məsələlər və problemlərə diqqətini cəlb etməklə bu ölkədə dini azadlıq və sosial sülhlə bağlı məqsədləri dəstəkləyir.

4373077