"İQNA"nın "Əl-Kəfil"ə istinadən verdiyi məlumata görə, bu konfrans İmam Əli ibn Əbi Talib (ə)-ın "Rədd əş-Şəms" məqamının intellektual işlər bölməsinin səyləri ilə və "Risalət həftəsi" proqramları çərçivəsində təşkil edilib.

Həzrət Abbas (ə) müqəddəs ziyarətgahının İrsi Bərpa Ali Heyətinə bağlı Həllə İrs Mərkəzi, Babil Universitetinin İslam Elmləri Fakültəsi və İmam Kazim (ə) Kollecinin Babil şöbəsi də bu elmi tədbirin keçirilməsində iştirak ediblər.

Konfransın əvvəlində Nəcəf elmi hövzəsinin müəllimi Seyid Məhəmməd Hüseyn əl-Əmidi öz elmi məruzəsini təqdim edib. Ardınca konfransın müxtəlif mövzularına həsr olunmuş ixtisaslaşdırılmış iclaslar keçirilib.

Bu iclaslar yeni Quran araşdırmalarında Quran və İtrət arasında bilik əlaqəsi və kamilliyi, intellektual və etiqadi tədqiqatlar, tərbiyəvi və sosial tədqiqatlar, həmçinin dil və ədəbiyyat araşdırmaları kimi mövzulara həsr olunmuşdu.

Konfransda İraq və beş İslam ölkəsindən 88 tədqiqatçı iştirak edib və təqdim olunan araşdırmalar ixtisaslaşdırılmış elmi komitələr tərəfindən qiymətləndirilib. Nəticədə, konfransın müxtəlif bölmələrində təqdim olunmaq üçün 66 məqalə qəbul edilib.

Konfransın bağlanış mərasimində iştirak edən tədqiqatçılar, elmi komitələrin üzvləri, həmçinin bu tədbirin keçirilməsində və uğurunda əməyi olan qurumlar, təşkilatlar və şəxsiyyətlər elmi və icraçı səylərinə görə qiymətləndirilib və mükafatlandırılıblar.

4373476