Duk da makircin girman kai, Musulunci ne ke a gaba
Kamfanin dillancin labaran kur’ani na iqna ya habarta cewa, ya nakalto daga shafin sadarwa na yanar gizo na ofishin kiyayewa da buga ayyukan Ayatullah Sayyid Ali Khamenei jagoran juyin juya halin musulunci a kasar cewa, kasashen turai da dama sun yi Allah wadai da cin mutuncin abubuwan da suka shafi addinin muslunci da kuma kur’ani mai tsarki.
Jagoran juyin juya halin Musuluncin ya dauki wadannan zagi a matsayin wata alama ta girman kai na kiyayya da tsarin Musulunci, ya kuma yi kira ga dukkanin masu neman 'yanci a duniya da su yi adawa da wannan kazamin siyasar cin mutunci da yada kiyayya.
Bayanin matsayin Ayatullah Khamenei wanda aka buga a shafin yada labarai na KHAMENEI.IR na Twitter yana cewa:
Zagin hauka da ake yi wa kur'ani mai taken 'yancin fadin albarkacin baki ya nuna cewa makasudin kai hare-haren girman kai shi ne ka'idar Musulunci da Alkur'ani. Duk da makirce-makircen girman kai, Al-Qur'ani na kara samun karbuwa a kowace rana kuma gaba na Musulunci ne. Ya kamata duk masu neman yanci na duniya su tsaya tare da musulmi kan kazantar siyasar batanci da yada kiyayya.
