Kamfanin dillancin labaran iqna ya habarta cewa, ya nakalto daga shafin sadarwa na yanar gizo na Al-Ahed cewa, a kowace shekara dubban masu ziyara daga kasar Iraki da sauran kasashen duniya ne ke zuwa hubbaren Imam Ali (AS) da ke birnin Najaf Ashraf domin tunawa da zagayowar ranar haihuwarsa da kuma cika shekaru sama da 1400 da zuwansa Kufa.
Jami'an tsaron Iraki sun sanar da daukar tsauraran matakan tsaro domin tabbatar da tsaron bikin. A bangare guda kuma an shirya jerin gwano na tarbar masu ziyara, kuma ana sa ran adadin masu ziyara zai karu sosai a gobe Asabar a daidai lokacin da ake gudanar da zagayowar ranar 13 ga watan Rajab da kuma zagayowar ranar da aka haifi Imam Ali (AS).