An fara gudanar da bikin rufe gasar kur'ani ta kasa da kasa karo na 29 a birnin Alkahira
Kamfanin dillancin labaran iqna ya habarta cewa, ya nakalto daga shafin sadarwa na yanar gizo na Al-Ahram cewa, an fara shirin rufe gasar kur’ani mai tsarki karo na 29 da karatun Sheikh Maher Muhammad Abdul-Nabi Al-Farmavi, sannan aka bayar da kyautuka ga wadanda suka yi nasara.
Mohamed Mokhtar Juma, ministan kula da harkokin addini na kasar Masar, ya yabawa wadanda suka yi nasara a wannan gasa tare da jaddada cewa: Abin da ya bambanta wannan gasar karo na 29 da na baya shi ne kusancin maki tsakanin mahalarta gasar. Ta yadda bambancin wanda ya yi nasara a matsayi na daya da na biyar ya zama maki daya kacal. Wannan yana nuna tsananin gasa da madaidaicin hanyar ba da maki.
Ministan Awka na kasar Masar ya bayyana cewa: Dukkanin wadanda suka halarci wannan gasa sun yi nasara, kuma a ko da yaushe ku yi kokarin haddar kur'ani mai tsarki.
Ya jaddada cewa: Nan gaba za mu shaida irin kulawar da ba a taba ganin irinta ba ga Alkur'ani da mutanensa.
A cewar Mohammad Mokhtar Juma, za a gudanar da shirye-shiryen da suka dace a kafafen yada labarai na kasar Masar, domin yin amfani da kwarewar wadanda suka yi nasara a wadannan gasa, musamman a fagen karatun kasashen waje.
Ya kara da cewa: "Dukkanmu muna cikin hidimar kur'ani mai tsarki" a wajen rufe gasar kur'ani mai tsarki ta kasa da kasa karo na 29 da kuma raba kyaututtuka, wanda aka gudanar a wani otal a birnin Alkahira.
