Shafin sadarwa na yanar gizo na Khaleej Online ya bayar darahoton cewa, babban jami’in kula da harkokin masallatai biyu masu alfarma ya sanar a cikin wata sanarwa cewa, adadin mahajjata a cikin watan Jumada al-Awwal na wannan shekarar ta hijira ya kai miliyan 66 da dubu 633 153, wanda ya karu da mutane miliyan 12 da dubu 121 252 idan aka kwatanta da na watan Rabi’ul-Thani.

Hukumar ta bayar da rahoton cewa, adadin masu ibada a masallacin Harami ya kai miliyan 25 da dubu 987 da 679, ciki har da masu ibada dubu 100 da 489 a Hajar Ismail (katangar da ke kusa da dakin Ka'aba). A yayin da adadin masu aikin Umra kuma ya kai miliyan 13 da dubu 972 da 780.

Bayanin ya ci gaba da cewa: Yawan masu ibada a masallacin Nabawi a cikin watan Jumada al-Awwal ya kai 23,296,185, wadanda suka hada da 912,695 a Rawda al-Sharifah, yayin da adadin mahajjata hubbaren Manzon Allah (SAW) ya kai 2,363,325.

Babban Daraktan Kula da Masallatan Harami guda biyu na amfani da na’urorin zamani na zamani wajen sanya ido kan yawan masu ibada da mahajjata a manyan hanyoyin shiga masallatan biyu masu alfarma.

Shirin na da nufin kara karfin aiki ta hanyar bin diddigin yadda jama'a ke tafiya tare da baiwa hukumomin da abin ya shafa damar gudanar da shi.

https://iqna.ir/fa/news/4319495