Ang Pagsasalin ng Qur’an ay Nakakahadlang sa mga Propaganda Laban sa Islam
Sinabi ng Kawani para sa Edukasyon at Kultura ng Organisasyon ng Islamikong Kultura at Pag-uugnayan na ang pagsasalin ng Qur’an sa iba’t-ibang wika ay nakatutulong na mahadlangan ang mga propaganda ng kanluran laban sa Islam.
Si Mohammad Reza Dehshiri ay nagsalita noong ika-8 ng Marso sa seremonya na ginanap para sa paghahayag ng bagong Dakilang Qur’an na isinalin sa wikang Espanyol.
Inulit niya ang pangangailangan ng pagsasalin ng Qur’an sa lahat ng wika upang masanay ang mundo sa mga tunay na aral ng Islam at ng Qur’an, dahil sa mula’t sapol pa man ay mayroon nang maling propaganda laban sa mga ito.
Sa kanyang pagbibigay-diin na ang mga pananaw ng Islamikong Republika ng Iran ay base sa Qur’an, sinabi ni Dehshiri na ang ICRO ay masigasig sa pagtataguyod ng kultura ng Islam at mga aral nito sa mundo batay sa patnubay ng Kataas-taasang Pinuno.
Nagsalita rin si Hojat-ol-Islam Asghar Saberi, pinuno ng Sentro para sa Koordinasyon sa Pagsasalin at Pagtataguyod ng mga Aral ng Islam. Inulit rin niya ang kahalagahan ng pagsasalin ng Qur’an, at sinabing hanggang ngayon, ang Bibliya ay naisalin na sa mahigit kumulang na 2500 na wika, samantalang ang Qur’an ay naisalin pa lamang sa 150 na wika.
Ang bagong pagsasalin sa Espanyol ng Qur’an ay ginawa ni Jafar Gonzales. Si Gonzales ay ipinanganak noong 1950 sa isang pamilya na maka-Marx sa kabisera ng Espanya, Madrid. Makalipas ang ilang taong pagmumuni-muni at paghahanap sa katotohan, siya ay nagbalik-loob sa Islam noong 1983. Makalipas ang isang taon, siya ay nagpakasal sa isa ring balik-Islam na tulad niya.
Bukod sa Banal na Qur’an, si Gonzales ay nagsalin din ng ilang mga teksto ukol sa Islam kabilang dito ang pagpapaliwanag ng Sura Al-Hamd, Ang 40 na Hadiths, Velayat-e Faqih (Pamumuno ng mga Hurista) at Adab al-Salat (Mga Disiplina ng Pagdadasal).
Ayon kay Mohsen Rabbani, direktor ng Instituto ng Andisheh Sharq, 15,000 na kopya ng pagsasalin ni Gonzales ng Quran ang nailathala na at mayroon pang plano na maglathala ng 100, 000 na kopya nito upang ilahad sa mga tanghalan ng aklat sa mga bansa tulad ng Bolivia, Venezuela, Argentina, Cuba, at Colombia.
760725
Inulit niya ang pangangailangan ng pagsasalin ng Qur’an sa lahat ng wika upang masanay ang mundo sa mga tunay na aral ng Islam at ng Qur’an, dahil sa mula’t sapol pa man ay mayroon nang maling propaganda laban sa mga ito.
Sa kanyang pagbibigay-diin na ang mga pananaw ng Islamikong Republika ng Iran ay base sa Qur’an, sinabi ni Dehshiri na ang ICRO ay masigasig sa pagtataguyod ng kultura ng Islam at mga aral nito sa mundo batay sa patnubay ng Kataas-taasang Pinuno.
Nagsalita rin si Hojat-ol-Islam Asghar Saberi, pinuno ng Sentro para sa Koordinasyon sa Pagsasalin at Pagtataguyod ng mga Aral ng Islam. Inulit rin niya ang kahalagahan ng pagsasalin ng Qur’an, at sinabing hanggang ngayon, ang Bibliya ay naisalin na sa mahigit kumulang na 2500 na wika, samantalang ang Qur’an ay naisalin pa lamang sa 150 na wika.
Ang bagong pagsasalin sa Espanyol ng Qur’an ay ginawa ni Jafar Gonzales. Si Gonzales ay ipinanganak noong 1950 sa isang pamilya na maka-Marx sa kabisera ng Espanya, Madrid. Makalipas ang ilang taong pagmumuni-muni at paghahanap sa katotohan, siya ay nagbalik-loob sa Islam noong 1983. Makalipas ang isang taon, siya ay nagpakasal sa isa ring balik-Islam na tulad niya.
Bukod sa Banal na Qur’an, si Gonzales ay nagsalin din ng ilang mga teksto ukol sa Islam kabilang dito ang pagpapaliwanag ng Sura Al-Hamd, Ang 40 na Hadiths, Velayat-e Faqih (Pamumuno ng mga Hurista) at Adab al-Salat (Mga Disiplina ng Pagdadasal).
Ayon kay Mohsen Rabbani, direktor ng Instituto ng Andisheh Sharq, 15,000 na kopya ng pagsasalin ni Gonzales ng Quran ang nailathala na at mayroon pang plano na maglathala ng 100, 000 na kopya nito upang ilahad sa mga tanghalan ng aklat sa mga bansa tulad ng Bolivia, Venezuela, Argentina, Cuba, at Colombia.
760725
